همس الاحساس
عدد الرسائل : 63 العمر : 39 تاريخ التسجيل : 02/06/2008
| موضوع: مقابله مع العربجي عليثه....شي لا يفوتكم!!!! والله جنان الإثنين يونيو 02, 2008 10:01 pm | |
|
مقابله مع عليثه مع المذيع المبدع (منكس الطاقيه)
ونبدأ المقابله ونرجوا الانصات هههههه مع تمنياتي بوقت مستمتع وعيدكم مبارك وكل عام وانتم بخير
منكس الطاقيه : عليثه هذا مفآجأتنا الليلة فمن بين آلاف القنوات الفضائية استطاعت قناة قلوب وبرنامج الاقسام الترفيهيه( أخراج الاخ الساري) الحصول على موافقة ضيفنا الكريم ليتحفنا بهذا اللقاء الممتع..... بداية نبارك لكم الفوز بلقب عربجي 2006 على مستوى المملكة وعقبال العالمية عليثه : الله يبارك فيك واحب بالهالمناسبة اشكر كل اللي رشحوني وأتوعد كل الي مارشحوني واقولهم انتبهوا اشوفكم بس انتبهو..
منكس الطاقيه: ماهو طموحكم بعد هذا اللقب؟ عليثه: الحصول على لقب ملك العرابج منكس الطاقيه: ماذا تعني العربجة في حياة عليثه ؟ عليثه : العربجة حياتي وحياتي عربجة منكس الطاقيه: هل تخجل عندما ينعتك احدهم بـــ العربجي ؟
عليثه : أنا افتخر اني عربجي وغضنفر والعربجة رجولة وشجاعة
منكس الطاقيه : لماذا ينظر الناس للعربجي نظرة سلبية وظالمة احيانا؟
عليثه: شوف العربجي مهوب واحد (منكس الطاقيه) وشاق صدره ومسدح الشماغ على كتوفه ويسحب المشية لين تتقطع الزبيريه ويتحرش بالورعان الحركات هاذي اي ورع يقدر يسويها العربجة قول وفعل وفن وذكاء وتاريخ
منكس الطاقيه: ممكن تشرح لنا اكثر
عليثه: شوف.... من يوم اني بيضة توها ما انفقشت وانا داهية والوالد كان يقول لي اني ما كنت اقعد ابدا اكسر واخرب واجلد عيال اخواني وعلى كثر ما انفرش ما يبان فيني يعني" لوح مركوز "وثيابي على طول مشققة ووسخة وأبلط في الشششششششششوارع اكثر ما اقعد في البيت والجيران يسموني "ولد ابليس" ويوم اني كبرت شوي ودخلت المدرسة كنت اخذ السنة بثنتين وكان الكرسي الاخير محجوز لي وكانوا يسموني مطرود من كثر ما كنت انطرد .... ايه كنت صغير صغير لكن الطلاب كانوا يتنافضون مني واذكر في الابتدائي فقعت عين واحد مصري مسوي فيها ذكني عاقل عشان عيا يعطيني فسحته وكنت طبعا ما اجيب فسحه واسرق فسحة الطلاب وخاصة الاجانب ههه بس بعدين صاروا يجيبون لي فسحة ويتقون شري
منكس الطاقيه: وفي المتوسط؟ عليثه: في المتوسط كنت ذيبااان ذيبااان المدرسين والطلاب يتسدحون عندي من الخوف ولا في مدرس يتجرا يطردني او يقولي هس لاني فليت الحديد بدري مره واحد مدرس طردني لاني كنت داق اللطمة وراقد في حصته وطردني من الفصل..... "ويا ذيب عوي" دشدشناله السيارة القزاز وكسرناه البويات وحكيناها والكفرات سمرناها والمكينة حليناهابالسكر بالاخير ودى السيارة التشليح وقال يا الله الفكة
وصار عبرة لمن يعتبر واشتكت الاسوار من كثر ما شخمطنا منها والغريب ان الفرّاش كان يخاف منا يعني لو قلنا له افتح لنا يفتح بس كنا حنا مزاجنا تطبيح!! منكس الطاقيه: تنحاشون من المدرسة على وين؟ عليثه: ايه اصلاً ما كان عندنا وقت لا ليل ولا نهار تطعيس تفحيط ومحارشة لخلق الله ولا فيه مضاربة في المدرسة ولا في الحارة ولافي الرياض الابفزعتنا ولا فيه مستشفى الا تنومت فيها اصلا وكان يجيبون طبيب بيطري يكشف علي ها ها ها اصلا ماكنا نحط في الشنطة دفاتر كنا نحط حدايد وسكاكين وامواس وسلاسل لزوم الفزعات تخبر ياولد!!!
منكس الطاقيه:والعجرا عليثه: ها ها ها لا الشنطة ما تشيل هذي بره المدرسه ولاسافرنا ولا طلعنا البر اخذنا الساكتون منكس الطاقيه: عيني عليكم باردة جيش جيش ما شاء الله طيب والشرطة وينها عنكم
عليثه:ايه الشرطة حبايبي الحين منكس الطاقيه: كيف؟ من اول كان ما فيه قسم توقيف الا نمت فيه وكنت انام في التوقيف اكثر ما انام عند اهلي ولا في دورية الا تعرفني من جنوب الرياض لشماله وبعدين طفشوا مني صاروا يشوفوني وكنهم ما شافوني وصارت بينا مصالح مشتركة بحكم خبرتي بالحارات والحونشية وخريجين السجون منكس الطاقيه: يعني كنت الموسوعة العلمية للشرطة؟؟ عليثه: بلا فخر منكس الطاقيه: والثانوي؟ الثانوي كملناه في التوقيف ها ها ها العربجي المضبوط ما يكمل الثانوي انا تخرجت من الابتدائي وعمري 20سنة ومن المتوسط وعمري 25 سنة وبالغش بعد!! عرابجة اول ما كانوا ياخذون حتى الابتدائي
منكس الطاقيه: من تشجع؟؟
عليثه : اشجع الزحف ها ها ها عليثه: الهلال طبعا منكس الطاقيه: ليش طبعا؟ عليثه: هو في فريق غير الزعيم!! منكس الطاقيه: النصر والشباب ووووالخ
عليثه : نصر ينشب في مصارينك انت شكلك من الدخل المحدود ترى مناب وراعين اقلب الموجة منكس الطاقيه: الا تخشى الجماهيرالنصراويهعليثه : ؟
خلي الجماهيرالنصراويه تقابلني في الطلعة
منكس الطاقيه: انا اعتذر للجماهير النصراويه كل العذر والله.... وكل واحد حر في ميوله الرياضية
عليثه : اقول اسئل اسئلة زي الناس ولا ادخل الميكرفون في فمك واطلع بلا عيمك منكس الطاقيه: وراك عصبت؟
عليثه: ولا تزودها معاي والله لو منتب صديقي كان خليت وجهك شوارع
منكس الطاقيه: هدي اعصابك الله يحييك نبغا نكمل اللقاء منكس الطاقيه: من هو العربجي المثالي في نظرك ؟ عليثه: دايم معصب ويتكلم بيده ولسانه زفر وكل انواع الحدايد بسيارته ذكي واشياء كثيرة ما يكفي الوقت اقولها هنا لكن هاذي الصفات الخارجية فيه عرابجة مهندمين من بره لكن تفكيرهم عربجي وهاذولا يبغا لهم حلقة خاصة منكس الطاقيه:مكانك المفضل؟ طلعة التحدي موترك المفضل؟ عراوي _ مكسيما_كامري منكس الطاقيه : اعز اصدقائك ؟ عوكل_ ابو شوشه _وازحف ياقمبري مافالبلد فش فاش_دوريه أكثر جنان أكثر!!!
منكس الطاقيه : لماذا بنظرك اصبحت عربجي عليثه: صراحة اول مره احد يسألني هالسؤال انا تربيت بين 10 اخوان كنت ضايع بالطاسة الوالدة مهيب يمي والوالد ما ينشاف كنت ابغى الفت النظر باي طريقة وكل حركاتي كانت محاولات لاثبات الوجود
منكس الطاقيه: وهل اثبت وجودك ؟؟ عليثه: في نظري ايه منكس الطاقيه: هل العربجي فعلا قاسي القلب ؟؟
عليثه : صدقني انا اول مره اعترف ان العربجي صحيح ظاهره القسوة لكن قلبه طيب وعلى مستوى عالي من الذكاء وانا صغير كنت احلم اصير طيار بس احلامي ضاعت في الشارع ومع اصحاب الضياع
منكس الطاقيه : كلمة اخيرة عليثه: انا اشكرك من كل قلبي واشكر قناة قلوب وكل الزاحفين الي تابعوني واقولهم ......
العربجي طاقة مهدرة في المجتمع
| |
|
فاهي المشرف العام
عدد الرسائل : 2023 مزاجي : تاريخ التسجيل : 18/04/2008
| موضوع: رد: مقابله مع العربجي عليثه....شي لا يفوتكم!!!! والله جنان الإثنين يونيو 02, 2008 11:04 pm | |
| ههههههههههههههههههههههههههههههههههههههه امنيتي اصير عربجي يعطيك العافيه اختي <<<نصراوي
وشفيه يبي يقابل الجمهور النصراوي
تحياتي لك فاهي | |
|
همس الاحساس
عدد الرسائل : 63 العمر : 39 تاريخ التسجيل : 02/06/2008
| |